Tarefa virtual: Presentación

Mediante este traballo virtual sobre as metodoloxías de traballo pedagóxico-didácticas nunha aula, pedíusenos investigar dúas destas metodoloxías e crear dúas tarefas en relación á Unidade Didáctica que creamos na materia de Deseño Curricular e Organización de Centros. Pareceume interesante contrapoñer dúas metodoloxías que se asemellan moito: o traballo por tarefas e o traballo por proxectos. 

Por un lado, o traballo por tarefas baséase na utilización de diversas actividades nun contexto real e concreto para a obtención dun produto final claro. Isto en palabras sinxelas, poderíase resumir na adquisición dun coñecemento en concreto a través de actividades que teñen unha secuenciación clara e concisa, pola cal o alumnado vai adquirir un coñecemento concreto. En definitiva, trátase dunha metodoloxía moi utilizada na actualidade polos seus grandes resultados e que se pode aplicar dunha maneira moi positiva ao proceso de aprendizaxe e ensino de linguas.  

Polo seu lado, o traballo por proxectos require unha maior dedicación e unha labor moito máis grande no tempo. Dentro desta metodoloxía poden existir diferentes traballos por tarefas, é dicir, diferentes series de actividades secuenciadas que dan lugar a produtos intermedios, que posiblemente formarán parte dun produto final. 

En definitiva, son dúas metodoloxías que requiren unha grande coherencia interna, conseguindo unha aprendizaxe significativa grazas a uns métodos activos, buscando sempre o desenvolvemento máximo do alumnado como individuo e grupo. Preséntansenos como dúas metodoloxías que se inclúen unha dentro da outra, pero que ben se poderían traballar por separado. 

Estas dúas metodoloxías presentarémolas en publicacións separadas, posto que son entradas demasiado longas.

Aquí tendes os enlaces para as entradas:

Traballo por proxectos
Traballo por tarefas